斟茶報答父母眼濕濕 奶奶6隻金豬催抱孫
楊千嬅昨日出嫁，在早上斟茶給長輩的環節中場面感人，千嬅更感動得眼濕濕，她希望藉此感謝父母多年來的養育之恩。千嬅表示因媽咪先落淚，令她也想喊，雖然老公丁子高在旁邊不停狂窒，儼如平日出席活動前講解一樣，但全程場面感人。
千嬅不忘向現場的傳媒投訴老公十分「長氣」，她說：「佢喺側邊不停咁嘈，叫我快啲，由朝早6點Brief到下午4點，又叫我唔好跪咁耐！」而老公丁子高即在旁解釋：「我嘅目的係乜嘢呀？咪唔想你哋（傳媒）等囉！」千嬅坦言結婚一定要擺酒，與長輩一同分享喜悅。問到奶奶送甚麼給她時，千嬅說：「原本佢送12隻金豬畀我，但係怕我辛苦，依家送咗6隻，另一個契姐都送咗隻豬畀我，又有好多長輩送蓮子！（咁咪要努力造人？）盡量啦！生BB冇壓力，結婚都係為組織家庭，依家最緊要調理好身體先。」
千嬅與老公丁子高跪地斟茶，報答父母的養育之恩。
千嬅父母眼見愛女出嫁感動得眼濕濕。（資料圖片）
現場準備一對椰子等吉利物品，寓意千嬅連生貴子。