子丹心郁郁試增高鞋

甄子丹揮低碧咸夫婦及麥當娜，成為某手錶品牌的全球代言人，他笑言有如為國爭光！對於被嘲身材矮小，他說：「男人高度擺喺心！」

有「宇宙最強」之稱的甄子丹，前晚與太太汪詩詩出席手錶品牌發布會，至於其姨仔汪圓圓則擔任模特兒示範名錶，可謂全家撐場！同場還有模特兒陳嘉容及Jocelyn等。對於揮低國際級巨星，成為品牌的全球代言人，子丹不禁風騷地說：「好榮幸，為國爭光！」不過轉頭他說：「今次酬勞OK！（酬勞係咪好過拍戲？）我哋唔係講錢，係講適唔適合！呢幾年好多手錶搵我做代言人，因為拍戲關係，自己平日唔係好戴錶！」

對於最近被傳媒嘲笑身材矮小，身為「宇宙最強」的子丹一點也不介意，更大方地說：「男人高度擺喺心，睇風度、量度同深度，老婆不嬲都高過我囉！我覺得幾好笑，又話有增高鞋，有咩？不如介紹畀我啦！」

變身「宇宙最忙」

片約不絕的子丹，昨晨趕返內地繼續為電影《大鬧天宮》趕戲，戲中演孫悟空的他，大玩72變！事實上他每天亦要分身，除了做演員之外，更要擔任動作導演：「每日要用5個鐘化孫悟空個妝，落妝就用1個鐘！唔使做戲嘅時候，我就做動作導演！」可謂「宇宙最忙」！