Evelyn靠自己唔迷信
o靚模何思諺、蔡穎恩（Evelyn）、陳嘉寶及關楚耀（Kelvin）等前晚出席活動，對於近日傳出有o靚模誤墮桃色陷阱，Evelyn說：「好不幸同恐怖，可能佢希望成名。（想唔想知係邊個o靚模？）唔想知，怕見面會尷尬。」她表示命運是靠自己雙手，問到是否迷信？她說：「唔係，睇命理書當普通書咁睇，好嘅就當強心針，唔好就阻止佢發生。」與Mr.成員Tom拍拖的Evelyn強調不會上網結交異性：「唔想做負心女人。」而Kelvin則透露患了重感冒，問到是否沒有女友攬住瞓而病倒？他說：「依家邊有女仔埋身？我個底咁花。」
天氣寒冷，何思諺（左起）、Evelyn及陳嘉寶身穿厚外套禦寒。
患重感冒的關楚耀與麥家瑜出席活動。