Eason差錯腳墮台 人蛋遇險

Eason差錯腳墮台 人蛋遇險

陳奕迅近日在多倫多個唱上意外從3呎高台上跣低,勾起他8年前的「爆蛋事件」,嚇得臣嫂徐濠縈在微博留言:「What Happened????!!!!!Are You Kidding?」

陳奕迅(Eason)在多倫多時間本月16日下午舉行個唱記者會後,隨即於晚上開騷,Eason化妝師黃嘉慧(Karry)於微博全程直擊個唱,期間她拍下Eason躺在3呎台邊的相,並寫道:「活躍神不小心差錯腳……動L」,嚇得老婆徐濠縈(阿徐)火速留言慰問,而網民亦為他的「蛋蛋」憂心,紛紛送暖!

意外發生後,Eason仍攤在地上唱歌,Karry亦繼續報道實況,指有工作人員還笑指Eason跣低時「Boom Boom聲」,生怕連台也被他拆冧!對於發生意外,Eason說:「冇事,你知我喺台上面一向投入!」由於他早於02年的台灣校園活動上,High爆失足跌落台「傷蛋」,令人相當擔心,幸他報平安:「冇事,冇事好耐喇!我會小心,大家唔使擔心!」

Kay重申二人關係

至於阿徐亦透露Eason無大礙:「我冇即刻打電話去,因為當時仲On緊騷,佢都係之後先SMS我話好攰,沖涼瞓喇!唔使擔心佢!(叫佢唔好咁High?)你哋同佢講啦!佢點會聽我講,都知佢係咁o架啦!」另一邊廂,謝安琪(Kay)近日在內地宣傳Eason亦有份演出的電影《戀人絮語》時,重申二人關係:「我們是好朋友,不是緋聞朋友!」

音樂組

曾有「傷蛋」前科的陳奕迅,開騷疑失足墮台,令人擔心!

Eason台上台下均風騷,相當忘形。