黐韓流玩突破 鄧麗欣×Y.E.S.出3D月曆
韓流襲港，那邊廂Wonder Girls來港開騷，這邊廂鄧麗欣（Stephy）則與韓國女子組合Y.E.S.齊齊騷長腿拍攝月曆。昨日她們互送蛋撻及柚子蜜作見面禮，Stephy透露是次月曆會加入3D效果：「Y.E.S.會性感啲，我嗰Part就唔會，3D咗都冇嘢睇。（蝕底？）冇所謂，佢哋唔會刻意性感，我都唔會，就算爭取咗都唔得啦！驚人哋失望！」
Stephy透露稍後會與Y.E.S.合唱跳舞快歌，她負責普通話部分：「今次月曆會同埋隻歌嘅Single（單曲）一齊出。（打入韓國市場？）暫時未有咁嘅決定，不過我都好想有啲新嘗試，之前諗過去韓國學跳舞，不過要留幾個月，所以放棄。」問到會否擔心去韓國後被指「唔同樣」，Stephy一點也不擔心，因現時整容技術太普及。
對於好姊妹吳雨霏曾表示會安排她與宿敵傅穎在演唱會上排排坐，Stephy自言不會尷尬：「我一定會去，你哋（記者）最開心啦！」有傳傅穎與緋聞男友羅仲謙不和，她聲稱沒留意報道。
鄧麗欣與Y.E.S.大晒長腿影月曆吸客。
先禮後兵，Stephy（左一）與Y.E.S.三位成員先交換禮物，再於合作新歌中「舞」鬥。