梁佑嘉視陳慧琳為目標
樂壇新人梁佑嘉（Abella）由歌唱老師推薦下獲唱片公司羅致，由普通文職打工仔變身歌手，明年一月將推出處女大碟，她說：「由細到大對唱歌都好有興趣，但一直唔敢，直到跟老師學咗幾年唱歌，老師不斷鼓勵，之後推薦咗我畀唱片公司，依家唱歌夢想總算成真。」
Abella的舉手投足也有幾分似陳慧琳（Kelly），但她卻不以為然：「好多人都咁話，但自己就覺得唔似！Kelly當然係一個好好嘅榜樣，無論工作同家庭都做得好完美，會視對方為學習對象。」
梁佑嘉由唱歌老師推薦入行，明年一月將推出處女大碟。