江若琳恨拍拖望天賜良緣

聖誕將至，不少情侶已安排節目共度佳節，令單身的江若琳羨慕不已，她笑言希望聖誕老人可送個男友給她，讓她可甜蜜過節！師弟徐正曦卻相反，由於事業剛起步，一切以工作為先！

又到聖誕，令人聯想起聖誕老人坐鹿車派禮物，連江若琳（Elanne）亦不例外，她笑言小時候相信世界有聖誕老人，還曾祈求他可以送一部遊戲機，結果由父親擔任「聖誕老人」，但送遊戲機後卻自己喪玩，令Elanne不知好嬲定好笑！

江若琳與師弟徐正曦仍是單身一族，浪漫佳節當前，問到可有想過叫聖誕老人送贈情人？Elanne聞言即甜笑地說：「都好喎！過時過節見到人哋一雙一對，我都好想拍拖！想身邊有個人同自己分享一下，同埋可以計劃去吓第二度旅行，過一個白色聖誕。」徐正曦則持相反意見，自言事業才剛開始，故希望一切都以事業為先，滿腦子只有工作。不過，他認為拍拖可增加人生閱歷，對演戲很有幫助，身旁的江若琳則插嘴：「我冇諗到咁長遠，淨係諗住拍拖開心咋！」

送長假期畀媽咪

相反，如果自己是聖誕老人的話，最想送甚麼禮物給甚麼人呢？原本心情輕鬆的江若琳即認真地說：「我希望送一個長假期畀媽咪，佢同我一樣咁忙，由朝到晚冇停過，有時見到佢咁辛苦都好心痛，所以可以嘅話，我好想送個長假期畀媽咪，等佢可以好好休息吓，最好嘅當然係我可以養佢，等佢唔使再做嘢啦！」

來港工作已一段時間的徐正曦坦言很掛念身在上海的父母：「我已經好耐冇見過佢哋，真係好掛住佢哋！希望將來可以買一間豪宅送畀佢哋，報答養育之恩。」