黃翠如南非流浪賣藝籌旅費
重返有線的黃翠如獲安排往南非流浪，拍攝回歸後首個旅遊節目，本月初已正式出發。為配合流浪主題，她學定手藝以便屆時沿途籌旅費，她說：「因為我哋嘅旅費唔多，知道要賣藝時勁開心，即刻走去學啲有中國特色嘅技能，例如學咗書法同學拉麵，過程好得意，希望到時發揮作用啦！」
黃翠如坦言今次拍攝長達一個月，並會在當地度過最愛的聖誕節：「今次唔同以往好歎、好享受嘅旅遊節目，預咗會辛苦，所以一度冇攝影師願意去，個個都唔願意去咁長時間同要捱苦，差啲因為冇人去而成唔到團添！」不過，她相信今次會是人生中難得的經歷。
黃翠如往南非流浪，學定拉麵與書法準備賣藝。