溫碧霞赴紐約親子過聖誕
溫碧霞（Irene）今年將與囝囝何國倫（Xavier）一起過聖誕，還計劃好一家人到紐約探望老爺奶奶，順道過一個白色聖誕！
最近工作極之忙碌的溫碧霞，經常要到內地拍廣告及登台。雖然聖誕節向來是藝人搵銀的好機會，但Irene一早已決定放棄，寧願與家人一起度過！她說：「我好早已經計劃好，今年聖誕會同老公、囝囝去紐約，因為老公嘅父母喺紐約住，佢哋又好少見到Xavier，所以今年聖誕，諗定帶囝囝返去見吓爺爺嫲嫲！」
買禮物贈老爺奶奶
人人都想過白色聖誕，Irene亦不例外，她覺得要在很凍很凍的地方度過才有氣氛，所以每年聖誕也很少留港，加上今年是首次與兒子共度佳節，故希望齊齊過一個白色聖誕，她說：「如果聖誕撞啱落雪，氣氛會非常之好，希望到時紐約會落雪，等囝囝可以過一個白色聖誕。」至於會送甚麼禮物給兒子？Irene說：「佢已經有好多禮物喇！因為我成日都會去買嘢畀佢。（咁聖誕返紐約，會唔會買聖誕禮物送畀老爺奶奶？）一定會買啦！但我真係太忙，依家都喺內地，要完成晒手頭嘅工作，先可以返香港買。」
溫碧霞準備舉家飛紐約過白色聖誕。
溫碧霞指兒子玩具多的是，不打算聖誕特別再送禮物。
溫碧霞為與愛兒及老公慶祝聖誕，特別推掉登台騷。（資料圖片）
