陳倩揚日本播種炮製蜜月孖寶

剛新婚的08年港姐亞軍陳倩揚（Skye），因工作忙碌，要待下月才可與老公到日本度蜜月，聲稱婚後不設防的她，被問到會否兩個去，「三個」返？她笑說：「到時可能『打孖上』，會叫佢努力『播種』！」

剛成為「陳太」的陳倩揚，婚禮翌日已經復工，問到成為陳太的感覺？她說：「唔算有好大變化，但感覺幾Sweet！（慣叫陳太？）都慣咗，啲同事朋友都係咁叫，但唔好叫陳師奶，我係摩登家庭主婦！（下廚畀老公？）平時都有，但呢排工作忙碌，未有機會！」

失獎冇失落

Skye透露婚後工作忙碌，提及聖誕願望，她說：「依家展開人生另一章，希望下年呢個時候有小朋友！」問到如何慶祝婚後首個聖誕？她說：「會同屋企人食聖誕大餐！（同老公交換禮物？）未必，因為平時行街，佢有時失驚無神都會送禮物畀我，好浪漫同有情趣！」聲稱婚後努力「造人」的Skye透露，完成手頭工作後便會與老公飛往日本沖繩度蜜月：「到時會去八日，我哋刨晒啲旅遊資料。（炮製BB？）可能『打孖上』啩！到時真係Made In Japan，會努力叫佢『播種』。」雖然失意「飛躍進步女藝員」獎，但她不但沒有失落，還戥獲獎的唐詩詠高興：「我有份提名已經當獲獎，我本身都貼係詩詠攞。」