Kinki Debby向一夜情Say No

妄攝女Kinki及Debby將愛犬打扮成「聖誕狗」預祝佳節，兩人更分別與狗仔襯晒色！提到聖誕夜易亂性，兩人即齊聲Say No！

模特兒Kinki（林玲）及Debby（曾麗儀）除了貪靚外，更不時為愛犬ChaCha及喵喵換新衫，這日她們將愛犬變身做「聖誕狗」，人狗預祝佳節！只見ChaCha及喵喵換上毛毛狗仔衫，頭戴聖誕帽，非常可愛！但因ChaCha前一日才打針，起初呆呆滯滯，但慢慢見牠愈來愈生猛，更與喵喵興奮狂跑，主人捉也捉不住，場面搞笑！

問到過往聖誕節有何浪漫往事？兩位靚女竟然答沒有！Kinki說：「平安夜咁敏感，驚出事呀！所以都唔會同男仔單獨出街！」Debby則自言向來多人約，但多數不會應約：「唔想揀一個唔鍾意嘅，令人誤會，又會得失其他男仔，所以會同成班朋友開Party！」

禁「女」出夜街

雖然她們行性感，但思想頗為保守，更反對一夜情，Debby說：「有時節日氣氛會沖昏頭腦，男仔會送好多禮物氹人！作為女仔要諗清楚係咪鍾意個男仔，唔應該亂嚟！」至於Kinki則以「母親」角度設想，她笑說：「依家啲人愈嚟愈開放，我有時會諗，如果第時我個女係咁點算？所以我平安夜都唔畀個女（指ChaCha）出街o架！哈哈！」她表示曾到北海道及英國過白色聖誕，感覺很特別：「我啲朋友係滑雪高手，不過我係初學者，喺山腳同啲小朋友坐雪板咋！」