小儀當梁漢文舊情人
男子組合EO2成員Otto，日前與小儀、朱薰及細So等宣傳舞台劇，編劇火火表示該劇有多場男女、男男的濕吻場面，將獻出幕前初吻的朱薰說：「都有認真考慮過Kiss呢個問題！（怕老公睇到？）怕奶奶嚟睇多啲！」至於小儀則坦言最近「冇咗男友」，但會有心儀對象捧場：「係人哋心儀我！」她笑言曾因做舞台劇而戀上梁漢文，不過待對方婚後才敢告訴他：「我依家覺得佢好似舊情人！」
至於與Otto扮演同志戀人的細So笑言，大隻的Otto投入時會壓得住他：「我知道要同佢『打茄輪』，感覺好安心，因為朋友之間更容易打開隔膜，就算要揀男仔錫，我都會揀佢！」
Otto（左）與細So扮咀，搞笑多於甜蜜！
編劇火火（中）率領一班演員谷舞台劇。