工作忙碌的DaDa，趁聖誕節已相約一班單身好姊妹開P慶祝，笑言大家貴為單身貴族可互相扶持。問到為何不趁佳節出動搵男友？DaDa說：「就係節日先危險，以前都因為大節想拍拖而拍拖，但最後都維持唔到好耐！」她自爆過去男友一個接一個，從未間斷，現時花了不少時間適應單身生活：「好耐未試過單身，不過近期發覺自己都有做女強人嘅潛質，依家覺得工作可以填滿自己嘅生活，拍拖順其自然啦！」問到入行後會否難找男友？她說：「都係嘅！因為自己走性感路線，所以都驚追我嘅男仔係咪認真？不過，依家都係專心工作先。」
家人反對紋身
另外，一直恨紋身的DaDa，因家人反對及工作關係而未能成事，問到會否考慮「愛的紋身」，她說：「自己唔會紋男友個名，老公就可能會！因為初戀男友曾經將我個名紋喺身，分手後佢識咗另一個女朋友又要改過另一個紋身，自己覺得好內疚！」DaDa表示平日會黐紋身貼紙及選擇有紋身圖案款式的眼鏡來滿足欲望。
恨紋身的DaDa自爆初戀男友曾為她紋「愛的紋身」。
DaDa表示平安夜約了單身姊妹開派對。
DaDa誓言要做女強人，不靠男人過活。
