Kolor開騷多得「阿嫂」盧巧音
樂隊Kolor與男子Rap組合24味將於本月21日在九展舉行演唱會,日前Kolor成員Sammy、Michael、羅斌及高豐受訪時說:「今次有贊助,所以唔擔心票房。」Kolor上次開騷,多得Sammy女友盧巧音(Candy)出面又出力,問到Candy今次有否幫忙,Sammy說:「佢除咗做導演,仲幫手搵贊助,最頭痛係佢又要搞自己張新唱片!」眼見女友每天為工作奔波,Sammy表示很心痛,故準備了一份神秘禮物給她作獎勵,問是否送BB,他笑說:「BB係佢送畀我至啱!」
24味比Kolor早出道,但Kolor表示絕不會因「敬老」而禮讓,還透露邀得葛民輝做神秘嘉賓,問到會否擔心強勁音樂影響對方健康,Sammy說:「佢話冇問題喎!唱兩首歌都嫌少,要唱夠4首添!」
Kolor將與前輩24味合作開騷,無分彼此地Jam歌。