文恩澄登青海嘔住攞景
女歌手文恩澄(Rannes)早前到青海拍攝電視特輯,首次踏足海拔高達4、5千米的地方,她說:「去咗10日,真係好新嘅體驗,雖然好凍仲落雪,而且我仲有高山反應,但真係好興奮、好難忘!」
Rannes沿途不停嘔吐及喘氣,苦不堪言:「個心係咁跳,就算瞓覺都因為唔夠氧氣而扎醒,但我冇諗過放棄,咁難得嚟到,梗係要拍晒佢啦!只要畀我抖吓就冇問題,而且嗰度啲車站都有氧氣供應。」為求有更佳的拍攝效果,導演還要求Rannes又跑又跳,而她亦頂硬上:「嗰度啲風景咁靚,有機會睇到已經賺咗啦!」
難得看見牦牛,文恩澄立即精神百倍。
高山反應令文恩澄氣喘狂嘔,但仍死頂繼續拍攝。