Fantasy百變代言火辣抗寒冬
新進o靚模組合Fantasy日前以多個造型為網絡遊戲拍廣告，當中包括化身聖誕女郎騷身材，令現場火速升溫，成員Suki更脫穎而出，當選代言人！
胡心諾（Rainbow）去年成為網絡遊戲《商業大亨》代言人，今年由師妹Fantasy接棒，並試了多個造型，包括斯文秘書及索女等，當中以聖誕女郎造型最迎合聖誕氣氛。身穿低胸聖誕裝的她們，拍攝時毫不吝嗇驕人上圍，令寒冬倍添暖意！
Suki當選代言人
成員Suki（劉玉卿）更脫穎而出擔任代言人，她說：「可以喺咁多人中獲選，我都好驚訝，我本身睇好Cammi（謝芷蕙），但其實邊個贏都開心，依家最擔心自己做得唔夠好！」
師姐讚有天分
身為師姐的冬甩成員Sweet（何嘉兒）到拍攝現場打氣，她表示與Fantasy成員年齡相近，故十分好傾，還親授秘技：「我14、15歲已經開始做Online Game代言人，所以特登嚟支持佢哋，我覺得佢哋個個都好高，同埋好有天分，比我初初做代言嘅時候淡定好多！」原來她亦睇好Suki勝出，認為她有個人風格，在眾女中最突出。
Suki（左起）、Kitko與Cammi扮聖誕女郎為網絡遊戲拍廣告，令寒冬亦變得熱辣辣！
Suki憑個人風格當選代言人，自然瞓身賣可愛！
Fantasy對裝扮一絲不苟，每有空檔即檢查服飾。
師姐Sweet（左）到場打氣，並細心地為師妹整理頭飾。