張文慈硬食拖鞋摑面
外表亮麗的張文慈（Pinky），入行之初卻得不到對手憐香惜肉，拍戲期間令她一身傷痕，返家時家傭以為主人遇劫，慌忙間曾打算報警求助！談起這段恐怖經歷，Pinky猶有餘悸說：「記得嗰日集中拍我畀人打，點知對手冇借位，我硬食拖鞋摑面、鐵鏈鞭身之苦，塊面腫到好似雞蛋咁！我忍唔住喊，點知有人仲大聲話：『喊乜呀？仲唔收聲！』最搞笑係最終出嚟嘅鏡頭，全部集中係面部大特寫，咁我身上啲傷咪即係白捱囉！」
幸而Pinky當年於影圈不乏演出機會，更曾夥拍梁朝偉演出《黑獄斷腸歌之砌生豬肉》，戲中扮演歌女的她原聲演繹歌曲《幾度夕陽紅》，與偉仔深情對望的片段最近更被翻炒，於網上熱播，令她既驚且喜！
Pinky女人味十足，可惜仍被拍檔糟質！
張文慈曾拍不少動作戲，搞到傷痕纍纍！ （資料圖片）