詩雅難忘北極度佳節
英皇小花詩雅、小草陳家樂及鄭家維，雖然平日各有各忙，但一到喜慶節日總會抽空相聚。日前3個「大唔透」提早過聖誕，在聖誕擺設前整古做怪，詩雅更作狀向兩男獻吻，而兩男亦禮尚往來，嘟嘴扮錫詩雅！詩雅表示今年聖誕想搞Party：「我想同大班朋友一齊玩，同埋交換禮物，禮物要以環保同慳儉為主！（冇情人好Dry？）唔會，同朋友及家人過仲開心。（急找另一半？）冇諗過，暫時要專注工作！」她透露年年曾於北極度聖誕，有幸親眼目睹北極光，令她一世難忘！
至於陳家樂則表示已有幾年冇拍拖，又自嘲是零浪漫男仔：「就算我有女朋友，我都選擇同佢及大班朋友一齊過聖誕，唔會兩個一齊，我都唔浪漫嘅！」而有份角逐新人獎的鄭家維則表示，希望今年能夠在樂壇頒獎禮有獎落袋。
詩雅已買定聖誕樹安放家中，感受聖誕氣氛。
陳家樂（左）與鄭家維老友鬼鬼，計劃齊齊度佳節。
詩雅作狀向陳家樂（左）獻吻，鄭家維只有一副「等」樣。