劉國昌搵女做SP挑戰道德觀

「學者型導演」劉國昌計劃開拍一齣探討都會男女以性會友的新片《SP》，公開招募5位年屆20至30歲的女新人，參與這部不乏大膽情慾場面的話題新作！

曾執導《童黨》及《圍城》等揭露社會問題電影的劉國昌，現正籌備另一新作，日前他接受訪問時說：「《SP》係講社會上好多唔同階層男女，都係透過互聯網以性會友，發展SP關係（性伴，Sex Partner），會有大膽裸露、3、4、5P群交！」

劉導演希望明年初開拍前，成功招募戲中5個女角：「戲中有5個主要角色，包括OL、美容師、學生妹、已婚婦女同CEO，無論冇演出經驗，抑或有過少少演出經驗，我哋都會考慮，經理人公司都可以將佢哋覺得適合嘅藝人資料，電郵去james@dharmaworkshop.com畀我哋！」

目標柏林參展

劉導演不擔心新片中有三點盡露的鏡頭，衝擊道德界線的意識內容，會引起衞道之士抨擊，他說：「套戲激就一定激！不過套戲係真實個案改編，社會上真係發生緊呢啲事，而且參與其中嘅人唔少！套戲唔係刻意賣弄，係要探討SP現象。（太激入唔到內地？）唔會為遷就審批而削足就履，套戲目標係參加柏林、釜山等外國電影節，內地市場唔係考慮範圍！」