陳可辛否認寸黃百鳴「戲屎」
據內地消息指，陳可辛早前受訪時暗寸傳以千萬元力邀張栢芝復出的黃百鳴：「一部戲需要用那麼高片酬去請一個演員作噱頭，證明該片沒有賣點！」他昨日接受電話訪問時否認其事：「當時記者只係問大完肚嘅女星片酬好高，冇講邊個，我就話一個大完肚嘅演員一夜之間片酬高好多嘅話，係唔合理，而佢復出嘅新聞，對一啲冇賣點嘅電影的確好重要！（唔怕有人對號入座？）唔會理！」黃百鳴則說：「大家唔應該用抨擊嘅方法宣傳電影。」此外，對於有指演員抱怨其新片《武俠》的拍攝進度太慢，他並沒正面回應。
陳可辛澄清沒有暗寸黃百鳴，以正視聽。（資料圖片）