周慧敏為個唱「失眠」
忙於宣傳明年3月舉行的25周年演唱會的周慧敏（Vivian），昨日為珠寶店任剪綵嘉賓，她透露最近忙到冇時間瞓覺：「為咗演唱會推咗好多品牌活動。（損失幾多？）冇得計！開演唱會唔係為自己，係為咗支持同愛護自己嘅粉絲。」她坦言擔心體力透支：「所以每次演唱會都當係最後一次！」
問到老公會否「Encore」再扮大公仔上台？她笑說：「我從來冇叫佢上台，上次畀佢嚇一跳！我諗今次唔會啩！」Vivian又透露老公肉赤她辛苦：「佢明白我係為興趣，仲答應佢唔會好似之前個唱咁辛苦自己！」
周慧敏以長裙示人，氣質滿瀉，玉女掌門人果然非浪得虛名。