鄭欣宜及關心妍昨日出席商場活動，宣傳配音的3D動畫電影，她們首次在台上合唱電影主題曲。聖誕將至，問欣宜有沒有時間買禮物給男友，她說：「冇呀！但就預早收到佢送嘅黑色手袋，不過應該冇時間同佢一齊過。（咁你點過？）希望工作中度過啦！因為有好多人陪。」
欣宜又稱減肥後去年的冬衣已不合身，但沒特地再添置新裝：「我18至20號要去上海做嘢，都唔知攞唔攞羽絨，平日我都唔捨得買衫，成個月都係買咗一件咋！（儲到好多錢？）好耐冇睇過戶口，希望遲啲會見到好多錢。」
欣宜展示男友送的新手袋
欣宜（左）與關心妍合唱新歌，默契十足。
