林心如投資千萬開公司
台灣女星林心如昨晚出席活動時透露，投資千萬人民幣開設製作公司，並忙於拍攝公司頭炮電視劇《傾世皇妃》。問到會否請教舊愛唐季禮，她說：「所有朋友都有請教！（唐季禮早前同藍燕傳緋聞，男女關係混亂？）我識嘅佢係好人，完全唔係咁！」至於會否邀請好友趙薇演出新劇，她說：「遲啲公司會開電影，到時都會搵佢！（佢同老公傳婚變？）冇咁嘅事，我啱啱先見完佢兩夫妻，都唔知幾幸福！」
林心如與著名化妝師Rick Chin齊齊出席活動。