法拉鋼管舞網友頂唔順
陳法拉在新劇中大跳鋼管舞，引發網友熱烈討論，有人更坦言「頂唔順」！法拉笑言一般家庭難有鋼管設施，故男友從未欣賞其誘人舞姿。
在台慶頒獎禮勇奪「最佳女配角」的陳法拉，昨日穿上性感Tube Dress出席商場活動，對於新劇《誘情轉駁》首集的鋼管舞場面引發網友熱烈討論，有人更直言「頂唔順」，法拉笑言精彩開始正好令大家多關注《誘》劇，問到男友薛世恒是否「頂得順」？她笑說：「佢未睇喎！（你真人跳畀佢睇？）屋企冇鋼管，拍嗰陣都要鎖得好實先拍到，普通家庭唔會有呢啲設施！」
聖誕望返美探親
談到男友的卡拉OK生意面臨競爭，法拉表示對方的生意與她無關，問到會否幫忙宣傳？她說：「成日都有！或者開分店可以幫手剪綵，不過都要收錢，唔會打折，因為無綫係上市公司嘛！」她又透露聖誕期間已接洽不少工作搵真銀，但25日當天不用開工，故希望返美國探父母：「去得成就係最好嘅聖誕禮物！」
法拉露肩又露腿，難怪迅即成為新一代性感女神。
法拉笑到見牙唔見眼，身旁的兩位嘉賓亦被她感染，笑埋一份。