古仔拒吔殘廢餐楊汀叮恨飲口水尾
昨日古天樂出席酒吧餐廳開幕活動，獲日籍浴衣女模小水彩及松岡李那送上食物，兩人打扮性感，但古仔仍目不斜視，並說：「你哋平時都係咁o架？」其後更婉拒她們餵食，匆匆拿起筷子吃食物。問到是否尷尬，他笑說：「我都有望吓啲食物，未試過食殘廢餐，亦唔想試，食嘢都係自己食得o架啦！」問到有否興趣開餐廳？他笑言日後不拍戲，便會開咖啡餐廳。同場的Baby師姐楊汀叮透露與偶像古仔同場，興奮得差點暈低，更有意索取古仔剛才喝過的杯作收藏。
貝安琪「蜜」談尹子維
此外，姍姍來遲的貝安琪表示聖誕節會留港與家人慶祝，問到是否預埋男友尹子維？她甜笑說：「主要同家人，但亦會同朋友慶祝，但佢唔係我男友，只係朋友。（交換禮物？）唔會，睇唔啱禮物。（送你自己？）你講到咁Sweet……」她亦不覺得有追求者：「仲搵緊，遇到啱都好開心。」而嘉賓之一的施念慈透露公司年曆將限量推出三千本，內裏11位模各有一款造型，如老闆、侍應及顧客等：「聽日（即今日）喺便利店有得賣，唔接受預訂，佢哋影咗十幾個鐘都唔願走，我想話畀人知o靚模可以做演員！」
兩位打扮性感的日籍女模當前，古仔仍目不斜視。
雖有楊汀叮餵飲果汁，但古仔拒食殘廢餐。
貝安琪講起尹子維即不禁甜笑。