Deep未有機會測試性能

吳浩康前晚參加泰拳比賽，慘遭對手4度踢中下體，傷及陰囊至肛門的骨，幸好他有護陰罩保護，自信性能力沒受損！

兼任泰拳教練的Deep，前晚參加拳賽與消防員對手決戰，第一回合Deep已被踢中下體，痛到即時想棄權！最後他堅持完成比賽，不但敗給對手，連上5吋下5吋都流血受傷！他慨嘆：「本來諗住去私家醫院，不過因為收4千蚊，所以改去政府醫院縫針，等咗幾粒鐘！」向來怕打針的他，縫針時更驚到雙手出汗！

休息了一晚，Deep昨日接受本報電話訪問時透露，傷患處仍有些痛：「陰囊至肛門舊骨傷咗，要敷冰同熱水！（唔捽藥酒？）我唔會攞嗰個位嚟捽，好核突！（功能受損？）冇測試，不過屙到尿，唔痛！（驚唔驚影響性功能？）唔擔心，試完喺微博話畀大家知，哈哈！對手好大力，踢到護陰壓落下陰，畀佢踢完第一下已經痛到想棄權！」他坦言事後已被女友及爸爸狂鬧「白癡多餘」，為免他們擔心，他承諾以後不會再比賽！

莊思敏心痛嬲爆

另一邊廂，莊思敏昨日出席活動時，對男友Deep受傷仍心痛不已，她說：「睇到心痛又嬲，唔應該攻擊重要部位！」她的妹妹莊思明亦表示會慰問「姐夫」。至於泳兒及鍾舒漫則希望Deep早日康復，泳兒說：「Deep係我嘅師兄，我都試過打拳時被踢中大髀罅，勁痛！（驚唔驚被踢中胸？）驚o架！唔想佢腫脹！」