傅穎願與鄧麗欣排排坐
忙為新碟宣傳的傅穎，前晚出席電影《反斗高比玩轉聖誕3D》慈善首映，對於吳雨霏（Kary）開騷在即，並聲言會請她與宿敵鄧麗欣睇騷，傅穎說：「一齊坐睇騷冇問題。（齋睇唔講嘢？）到時先算啦！（屋企玻璃窗爆咗整成點？）玻璃窗好貴，要五千蚊，依家周圍格緊價！」而同場的鄭欣宜在片中擔任配音及唱國語主題曲，她表示配男仔角色要把聲音壓低。
關心妍（右起）、傅穎 和欣宜前晚出席電影慈善首映禮。