中巴借男友寸崔建邦：唔郁手已經好好

鄺敏慧（中巴）昨日在活動上與舊愛崔建邦的新歡混血模Marina V.同場，非但毫不尷尬，還大晒幸福表示新男友對她很溫柔，絕不會動手動腳，自言現在如置身天堂般快樂。

鄺敏慧（中巴）昨日與一眾靚女包括周永恒老婆趙梓淇、羽翹、張舒雅、麥浚龍女友戴庚玲、日模松岡李那，以及與崔建邦傳緋聞的混血模Marina V.一起擔任模特兒，為《iSQUARE x Chupa Chups WOW Fashion Presentation》行騷。

完騷後，中巴大方應記者要求跟Marina合照，問到與舊愛崔建邦新歡Marina同場可有尷尬？她即反問：「吓？係咩？我真係唔知，好Surprise，我同佢冇聯絡，佢嘅嘢我都冇留意。我已經有新男朋友，舊嗰啲唔記得喇！我依家好開心，你睇我行騷都識笑呀！新呢個男朋友好好，佢對我實在太好喇！以前嘅嘢唔記得喇！陰影都冇晒。」

「依家上咗天堂」

中巴透露男友比她年長十一年，是生意人，兩人已拍拖兩個月。她大讚男友說：「佢好溫柔，唔會郁手郁腳，聽日係我正日生日，佢尋日送咗九十九支玫瑰同巴士蛋糕畀我。（今年生日同上年好大對比？）係呀！（男友有冇承諾唔打你？）佢話講嘅嘢可以係假，佢會用行動證明畀我睇，佢知我以前嘅事，明白過咗去。（希望唔好再同崔建邦個名扯上關係？）希望啦！唔好扯埋我同佢嚟講，分開講。（同男友公開戀情？）拍拖梗係拖手出街o架啦！唔通收收埋埋咩。（男友有咩好？）佢成個人都好好，唔郁手郁腳已經好好，我就好似今日件衫咁甜。（依家同之前係天堂與地獄？）係呀！我依家上咗天堂。」

趙梓淇則將手機中的BB相公開給大家任影，她表示要搵奶粉錢，多做幾年則全情投入家庭，並想生多個。