諸葛梓岐拍拖滑雪晒幸福 陳法拉馬浚偉當眾咀嘴
同是薛家「準妯娌」的陳法拉和諸葛梓岐，今年聖誕將各自與男友外遊過節，梓岐更大晒幸福表示能與男友薛嘉麟滑雪，想起也開心，她又聲稱已祝賀法拉攞獎：「我恭喜咗佢。（同法拉搞好關係未？）同佢關係好好，只係比較忙。」
至於法拉昨日出席新劇《誘情轉駁》宣傳，問到男友薛世恒可有送禮祝賀她奪「最佳女配角」？法拉表示未收到，並事先傳話指若送的話要有心思。問到趁外遊送婚書可夠心思？她立即耍太極：「我啱啱收到楊千嬅喜餅。（會效法佢外遊註冊結婚？）今日唔講呢啲！」席上，她與馬浚偉大玩「咀嘴」遊戲，馬浚偉因冇送禮而被詐型，他解釋即場送上抱抱，卻被很多男同事鬧：「我同佢男友都熟，唔怕呷醋！」
至於同場的蒙嘉慧玩遊戲時，起腳踢中拍檔李思捷下體，場面搞笑。問到男友鄭伊健開騷被禁上台？她說：「我唱歌差怕發台瘟，有次我喺伊健隔籬唱歌，佢話聽得多啲音有少少歪，我寧願叫人留飛畀我捧場算啦！（伊健黐無綫谷碟？）我冇留意佢工作，如果無綫都唔上，唔通叫佢匿埋咩！」
諸葛梓岐透露將與男友薛嘉麟滑雪，大晒幸福。
陳法拉與馬浚偉在台上大玩「咀嘴」遊戲。
陳法拉昨日出席新劇宣傳活動，大受粉絲歡迎。
蒙嘉慧玩遊戲時起腳踢李思捷下體。