Kary遭爆粗電話騷擾
吳雨霏（Kary）昨日擔任《SMS達人金手指大激鬥》嘉賓，忙於籌備演唱會的她透露，聖誕和新年冇假放，要在工作中度過。另外，她又指早前受到電話騷擾︰「有一個內地電話打畀我，佢把聲同我一位朋友好似，我初時以為係我朋友，仲叫佢返嚟搵我食飯。」
Kary指幸好當晚遇見「正牌」朋友，得知電話中人是冒充︰「第二日嗰個人打咗廿幾個電話嚟，我叫同事幫我聽，叫佢唔好再騷擾，否則報警，點知佢用粗口鬧我個同事，真係好離譜。」Kary稱該人沒有再打來，否則考慮更改電話號碼。
Kary（中）昨日擔任《SMS達人金手指大激鬥》嘉賓，大爆被電話騷擾。