發哥願減片酬做天宮CEO

周潤發和甄子丹等群星昨日出席《大鬧天宮》記者會，發哥一向風趣幽默，在戲中飾演玉帝的他，笑言是天宮的CEO，每日要靠想像去幻想天宮有甚麼東西，又反問天宮有冇車揸？十分搞笑！

星皓投資、3D魔幻動作電影《大鬧天宮》昨日在北京舉行全球首個新聞發布會，出席演員包括周潤發、甄子丹、郭富城、陳慧琳、梁詠琪、陳喬恩、何潤東及星皓新人夏梓桐，吸引五、六百名記者到場，場面熱鬧，在戲中飾演女媧的張栢芝，因在內蒙拍攝電影而缺席。發哥在記者會上不時發揮其幽默本色，笑指自己雖然未入組，但卻知道兩位男演員很辛勞：「郭富城化妝要化三個鐘，甄子丹就化四個鐘，兩人落妝就用咗四十五分鐘，再加上車程兩個鐘，去到只係拍一個鐘，我同電影公司講，片酬可以減低啲，我唔想化咁耐妝。」

讓中間座位給新人

未入組便知那麼多，問他何解如此神通廣大？他笑說：「我係玉帝，天宮最大，係天宮入面嘅CEO，佢哋樣樣嘢都要同我講。」因他還有其他工作在身，故此暫時只看過戲服，他又笑指天宮入面會有龍有天馬有寶貝，記者問甚麼是天馬？他笑說：「天馬行空嘛！每日都要靠想像去幻想天宮有啲乜嘢，唔知天宮有冇車揸？」

除懂得搞氣氛外，發哥亦很照顧新人，當他跟甄子丹、郭富城、陳喬恩及新人夏梓桐一起在台上接受訪問時，他讓了中間座位給夏梓桐。此外，當發哥見到陳慧琳着高跟鞋上台時，亦有幫手扶她，以及不時與何潤東談天，難怪何潤東其後在微博大讚發哥好人。

身兼兩職冇覺好瞓

甄子丹在片中除演美猴王外，還兼任武術指導，每日工作忙碌，只得兩、三小時休息：「拍咗幾場戲、打咗幾場戲，要同導演多啲溝通，加多啲新意。」司儀問子丹與新人夏梓桐會否擦出火花？他嚴肅地說：「未拍，我點話畀你聽。（只係想問吓拍戲嘅火花？）我都話未拍，如果拍咗，我第一時打嚟話畀你聽。」

早前網上流傳一些被指是郭富城扮演的牛魔王造型，昨日導演鄭保瑞指該牛魔王造型並不是最終版本，而城城在荷里活特技化妝之下，牛魔王將是「蠻帥」的。

同場的陳慧琳（Kelly）坦言接演《天》片，是她生完BB後接的第一部電影，因是客串，預計兩日便會拍完，所以不會離開囝囝太耐。早前有指她會將片酬捐出作慈善用途，她亦承認有此事。至於在戲中飾演嫦娥的梁詠琪透露，出道以來甚少拍古裝片，故此對造型很期待。