阿詩銅片護胸谷碟任抱
何韻詩昨日為新碟舉行簽唱會，吸引大批粉絲捧場，胸前及腰間均有銅片護體的阿詩笑說：「因為買3隻CD有合照，買5隻就送抱抱，男女老幼都歡迎！所以既要護胸，又要上下照顧！」主持Donald則笑言買夠半打就兩者兼得。阿詩自爆曾在台灣被粉絲吻頸：「台灣好興搞抱抱會，有個熱情女粉絲錫我條頸！（驚再發生？）女仔色魔啲，男仔反而抗拒，唔知係咪嫌棄我，我份人Open，不過好安全嘅，我食過吓夜粥，唔驚喎！（底線呢？）錫面都OK！」
粉絲送上「秒殺天后」牌匾，令阿詩甜在心頭！
阿詩任抱任簽，冧死粉絲！