鄧萃雯恨被愛

我看阿佘有天分

「攞咗兩年，又未傾新劇，出年嘅視后應該冇我份！我知道阿佘出年有好多作品，我睇好出年一定係佢攞！認識中嘅阿佘係好勤力嘅演員，記劇本好叻，呢種天分好難得，要知道演《公主》唔容易，要喺喜劇做到喜怒哀樂就更難，阿佘好嘢！」

頒獎禮上，雯女對着狄龍說的一句「你未頒個獎畀我呀！」那份柔柔的嬌嗔，融化觀眾對九姑娘的主觀感，這才是雯女的真身。面對愛情，這位兩屆視后並非我們想像中那麼硬淨。研究九型人格多年，雯女知道性格剛與九姑娘相反：「九姑娘屬於九號人格，主導一切，係強人；而鄧萃雯係鱷魚頭老襯底，佢只想被愛，而唔係感覺，佢想佢嘅男人有承擔，幫佢決定一切，唔使帶腦出街，但始終喺華人社會搵唔到Mr. Right，佢係屬於四號人格！」

從未遇過對的人

很可惜，雯女總在錯的時間遇上錯的人，既荒唐又唏噓，折騰心志之餘，重點係真正錯的人原來是自己：「冇遇過對的人，一個都冇！我本身就係一個錯！對愛嘅定義錯晒。所以我冇遺憾過，幸好我只遇過一次婚姻抉擇，而我冇選擇結婚，我知道因為一定會離婚。以前嘅我只需要牽腸掛肚嘅感覺，只要冇咗呢份感覺，我會立即離開，唔識包容，呢樣就係錯上加錯！依家我對愛情嘅睇法回復健康，原來愛係恒久恩賜，希望鄧萃雯知道得唔會太遲！」就算遲了又何妨，香港這蕞爾小島有700萬人，實在有太多小男人喜歡扮大男人，沒有一個令雯女信任，更沒有一個令她安心，就只有十年前遇上那位猶太籍猛男掀起過絲絲漣漪。

因宗教錯失良緣

鄧萃雯說：「香港有太多男人表面話愛你，可以養你，叫你唔好做，其實女人要咩，佢哋從來唔知道，同我拍拖只要有狗仔隊跟，就即刻走夾唔抖，唔會包容我嘅職業。十年前我識得一個猶太人，交往咗一段時間，佢知道我做Actress冇乜大反應，反而會帶我睇煙花、行花市，令我識得享受人生，可惜因宗教問題冇一齊，但我會記得呢一夜嘅一切。」

願被愛卻又被獨立個性打敗，雯女就是擁有雙重性格的人。這種性格何嘗不是纏繞她對事業的抉擇，個個都知無綫想把這位視后收歸親生位置，惟天生桀驁不馴，連樂易玲也知道任務艱巨：「樂小姐知我同Helen（雯女經理人）合作得好，冇理由整走呢段關係，所以呢件事（簽約）一直未發生，不過TVB湊大我，搵得我張約唔會係死，會畀我自由度，好似阿佘咁一樣唔會乜都做。」

對於以約換獎，雯女哈哈大笑，她始終相信「成事在人，謀事在天」：「我反而覺得再攞呢個獎後，我會承擔更多，唔會有免費午餐。我以前都做過滄海遺珠，做過配角，有咁嘅收成，除咗感恩，就只有珍惜！」的確，近年公仔箱真的有很多滄海遺珠漸被發掘，她預言陳國邦就是下一個麥包，他得到的掌聲應比任何一個主角更大。原來，雯女除了渴望被愛，也喜歡去欣賞和分享愛。

後記:兩屆視后工作認真

12月7日小記首次跟雯女做訪問，這晚是她封后的第三天，高層請《義海豪情》劇組食飯。當晚雯女忙得很，不好意思地跟小記說：「我真係好攰，不如電話補料？」她見小記一直呆呆地等，終不忍心接受了一個5分鐘變成20分鐘的訪問。萬料不到她翌日再致電小記：「我唔想Hea你，可唔可以再傾？」視后喎！小記得蒙恩寵深感被愛！