Rainbow o靚模變身料理達人
看漫畫《將太的壽司》，主角將太穿起壽司師傅袍手起刀落，既有型又專業。身為日式料理粉絲的模Rainbow（胡心諾）也想學將太一樣，穿上Sharp醒的壽司師傅袍，做一個既睇得又做得的料理達人。
人靠衣裝，佛靠金裝，要做一個料理達人，除了要有好的廚藝及刀功外，沒有一件得體的壽司師傅袍，怎算得是一個專業的日式料理達人？Rainbow自小喜歡看日本漫畫《將太的壽司》，除了被書中的東瀛美食吸引外，主角將太對廚藝那份執着，Rainbow更是欣賞。
為了一圓當壽司師傅的心願，Rainbow穿起師傅袍，跟正統的料理達人從頭學起，決不能一暴十寒，明白到先決條件不在於廚藝，而是日本料理的精神。
扼飯糰考功夫
未變身前，Rainbow穿得十足十日本娃娃，瀛味甚濃。當她換上師傅袍後，即束起衫袖、圍上頭巾和戴上手套，一絲不苟。雖然她平日也有下廚，可是與做日本料理是兩碼子的事，因為扼飯糰力度過猛，連帶鰻魚亦會分開兩截，Rainbow也不好意思，惟有從頭做過。
對於今次製作日本料理經驗，Rainbow表示一生難忘：「原來做壽司並唔係睇表面咁簡單，切魚生並非劏魚劏豬肉，而係講求人刀合人，令我知道做人都係一樣，唔可以做事一步登天。」
師傅袍冇分等級
據了解，壽司師傅袍並沒有等級之分，要識別職位的高低，主要靠胸口掛着的名牌區別。當中以店長職位最高，就算是老闆亦必須對他的意見言聽計從。其實，一個具資歷的壽司師傅，並不着重戴帽或頭巾。不過隨着時代變遷，迴轉壽司日漸興旺，為了員工服裝一致性及衞生問題，通常都會戴上頭巾和膠手套。
變身料理達人的Rainbow，捧着一大盤壽司待客。
Rainbow手起刀落切魚生，看似姿勢十足。
由於扼壽司力度過猛，令鰻魚壽司一分為二。
Rainbow製作壽司時十分認真。
一身日本娃娃打扮的Rainbow，首先穿上壽司師傅袍。
穿好師傅袍後，將衫袖束起。
待兩袖束起後再綁上頭帶。
最後圍上頭巾即成。