羅力威爆大冷入圍男歌手十強
叱咤樂壇我最喜愛的男、女歌手及組合最後十強名單昨日誕生，亞視「星光家族」的羅力威竟爆冷與陳奕迅及古巨基等競逐男歌手，他接受訪問時既驚且喜，不諱言所有事情來得太快，羅力威說：「自己未出過碟，只係星光家族出過一隻碟，仲係好新嘅新人！（陪跑？）入到圍已經係一種鼓勵及肯定，好多嘢嚟得太快，但呢啲都係天賜！」
不過張敬軒卻力撐羅力威人氣旺：「佢喺珠三角真係好受歡迎，我啲表弟妹屋企掛晒佢啲海報！（覺得大威脅？）唔會，唔好理係唱片公司捧出嚟定係比賽出身，總之英雄莫問出處！（撐羅力威？）撐o架！」
競逐男歌手獎的軒仔，力撐對手羅力威（右）人氣勁。
薛凱琪與謝安琪（右）同入圍女歌手十強。