祖兒維護家人:唔好搞到佢哋

祖兒維護家人:唔好搞到佢哋

叱咤昨日公布「我最喜愛的女歌手」名單,樂壇天后容祖兒及密友何韻詩齊齊榜上有名,至於容媽媽與同性好友關係曝光,祖兒默認對方的家人身份。

叱咤樂壇流行榜頒獎典禮將於明年1月1日舉行,昨日率先公布「我最喜愛的男、女歌手及組合」最後十強名單(詳見附表),祖兒、何韻詩、謝安琪、薛凱琪、G.E.M.及麥浚龍等昨日出席活動拉票。大會安排歌手以攪珠形式互抽對方上台拉票,阿詩抽中密友祖兒,司儀代為嗌名時大叫:「容『嫂』兒!」兩人公然耍花槍,祖兒指着阿詩的長裙說:「嘩!你做咩着裙呀?」阿詩反問祖兒為何嫌棄她,兩人影大合照時亦排排企,十分老友!

與阿詩爭獎「耍花槍」

早前在演唱會上唱到聲沙的祖兒已康復不少,她透露剛放完3日假,並去泰國歎世界,她說:「連埋屋企人8個人,住喺間大屋度,每日都享受陽光與海灘!」對於有報道指容媽媽有位同性密友關月茵,更指祖兒稱呼她做「阿爸」,她即嚴肅地說:「阿茵話有狗仔隊跟好驚,佢係媽咪朋友,識咗好多年。我同媽咪講,見到狗仔隊唔好怯同緊張,驚媽咪衝出馬路,我要同佢哋做心理輔導。」對於阿茵被指是容媽媽的同性密友,向來孝順的祖兒處處保護她們:「朋友唔係男就係女,如果硬係要用守舊標題,我哋唔介意,但係千祈唔好搞到佢哋!我辛苦工作都係想佢哋安樂生活,家人對我好重要!啲人寫我冇所謂,寫我媽咪就好嬲!」

「希望大家尊重我哋」

祖兒調大家的關係並非如報道般複雜,亦否認稱呼對方為「阿爸」:「我阿媽就係我阿爸,佢一人分飾兩角。(接納阿茵?)朋友就係互相幫忙、照顧,相信呢份友誼會好似家人同朋友咁相處落去。我咁誠實同大家講,希望大家都尊重我哋!」至於有傳老闆楊受成豪擲4,000萬加碼在無綫賣廣告為她換獎,祖兒表示每年頒獎禮前夕總有揣測,但今年她很努力做個唱,並說:「唔止4,000萬,係用埋條命去工作!」

《叱咤樂壇流行榜》十強名單

「我最喜愛的男歌手」

陳奕迅、李克勤、古巨基、方大同、張敬軒、周柏豪、陳柏宇、麥浚龍、周國賢、羅力威

「我最喜愛的女歌手」

容祖兒、楊千嬅、何韻詩、謝安琪、蔡卓妍、G.E.M.、吳雨霏、王菀之、鄭秀文、薛凱琪

「我最喜愛的組合」

Twins、BIG FOUR、Mr.、RubberBand、農夫、艾粒、野仔、蘇打綠、糖兄妹、C All Star

聖誕節買咩禮物好?
即上on.cc東方互動《享樂聖誕2010》專輯,為您一站式搜羅各類聖誕消費情報!

音樂組

祖兒與阿詩大方合照,更拿道具當玩具!

入圍十強的G.E.M.坦言沒有信心攞獎:「我只係Small Potato!」

容祖兒母親