泳兒激讚洪卓立美肌男
泳兒前晚穿上Amber黑白透視裝出席奧海城活動,擔任護膚品牌《美肌之誌第一屆代言人選舉》評判,同場還有男子組合Charcoal及模特兒Ann Ho。泳兒自覺皮膚OK:「我信一白遮三醜,不過入行後啲皮膚容易乾燥,依家識得轉護膚品就冇呢個問題!」她大讚洪卓立的皮膚是全公司最好:「男仔有美肌好難搵,佢真係好勁,連妝都唔使點化!」
工作不斷的泳兒昨日出席另一活動時直言,天氣轉冷要暖包跟身:「我簡直係『非洲人』好怕凍,試過有啲歌衫好性感,惟有『攝』個暖包入Pat Pat,點知跌出嚟,畀人誤會係女性用品!」
泳兒皮膚白嫩,對用護膚品亦自有一套心得。