鍾舒漫怕凍唔熄暖爐被喪鬧
鍾舒漫（Sherman）、泳兒及官恩娜（Ella）等昨日出席活動，近日天氣轉冷，Sherman表示最想找到「發熱衫」以備不時之需，她說：「我好怕凍，但又好大頭蝦，經常唔記得熄暖爐就出門口，成日畀屋企人鬧，話如果火燭就大件事！」而Ella則透露即將到日本拍廣告，已預備彈藥掃貨：「預5位數字啦，為咗工作都要買衫，有一間房專係放衫都爆晒，想捐衫做慈善，但又唔想係賣，怕畀人誤以為賺錢。」
泳兒（右）與鍾舒漫同是怕凍之人，為保暖各出奇謀。
官恩娜預了在日本大出血置裝。