打泰拳傷下體吳浩康入院縫針
昨晚參加泰拳比賽的吳浩康（Deep），獲女友莊思敏、陳偉霆與鄭希怡等好友撐場打氣。經過三個回合激戰後，Deep已傷痕纍纍，不但被打到眼腫，還被踢中下體及膝頭流血，最可惜仍以點數輸掉比賽。賽後，Deep與莊思敏食飯後各自回家，但他仍不放心，獨自到聯合醫院求醫，他說：「好彩塊面冇傷！因為我係咁避，所以未至於變豬頭，但最慘係何B仔！對手踢得好深、好大力，當時喺台上成半分鐘都唔郁得，勁痛！呢啲比賽係唔可以踢下體，但唔知點解冇Out佢，我一定會上訴。（女友肉痛？）佢之前係反對我參加，都預咗畀佢鬧，依家最痛係『上五吋下五吋』。」
其後，記者致電莊思敏，她表示同樣看到對手踢中男友下體：「佢表情好痛！右腳上五吋下五吋又被踢爆，當時有工作人員包紮，賽後一齊食飯時仲行得走得，但佢之後話唔放心，所以去醫院求醫，最後佢有打畀我話要縫針，但唔使留院。」
吳浩康與女友飯後即趕到醫院縫針。