陳山聰黃浩然鬥飛躍互笠高帽

加入無綫三年多的黃浩然，成績有目共睹，今年有份提名「飛躍進步男藝員」獎等三個獎項，賽前同樣口氣麻麻。對於「飛躍」獎方面，他反而睇好陳山聰與金剛，由於今年的成績表很好，他早已當得獎。提到參演的《公主嫁到》及《義海》同爭「最佳劇集」，浩然說：「自己有得參與，邊個劇攞獎都咁開心。」

至於陳山聰今年憑《掌上明珠》角逐「最佳男配角」，同時亦角逐「飛躍進步男藝員」。他坦言雖有信心，但看好另一勁敵黃浩然，他說：「事實擺在眼前，最大競爭對手係佢！男配角方面，我睇好敖嘉年同麥長青，淨係睇觀眾嘅反應，就知佢哋嘅演技獲認同啦！」

陳山聰與黃浩然互相睇好對方奪「飛躍」獎。