米高化療後回勇偕老婆度假
米高德格拉斯自8月向外宣布患喉癌後，外界紛紛關注其病況，早前有小報引述友人指其病況急轉直下，坦然擔心他「過唔到年」，不過經過兩個月連串化療後，他已回復未病前的狀態。前日身穿外套戴上太陽眼鏡的米高，被影到與老婆嘉芙蓮離開紐約寓所，身形比化療時肥番少少，精神飽滿，現場有助手幫他們搬行李上車，有指夫婦二人準備旅行度感恩節及慶祝結婚10周年。有醫生接受傳媒訪問時，指米高肥了是好現象：「米高增磅證明佢已經到咗康復嘅階段，亦證明佢已經有番胃口，比患病時食得多啲，增磅之後有助減少佢嘅皺紋，望落去後生同健康咗。」