郭羨妮反窒三哥惹桃花

苗僑偉（三哥）與郭羨妮（Sonija）因拍攝劇集《抉宅男女》而傳出緋聞，日前二人開工時未受傳聞影響，拍攝後還大方合照。對於三嫂爆料指三哥鍾意拖手仔，Sonija即食住上窒三哥惹桃花！

苗僑偉與Sonija日前被指於戲外拖手談情，三哥三嫂（戚美珍）隨即在微博力撐Sonija，而三嫂亦絕對相信二人清白，令他倆無懼緋聞，放膽繼續合作！他們日前在中環一間食店拍攝「一家三口」的溫馨場面，對於「女兒」頻食螺絲，身為「媽咪」的Sonija細心與她對戲，而「爸爸」三哥亦好言安慰：「唔緊要，慢慢嚟！」二人拍攝完畢後大方合照，三哥笑說：「我哋係飾演十幾年嘅夫妻，冇乜親熱戲o架咋！」問到Sonija再次傳出緋聞的感受，她有口難言，三哥即出言力挺：「所以咪要幫佢抱不平囉！」

鍾意拖手仔

除了Sonija屢次因拍劇傳出緋聞外，三哥亦曾因與梁靖琪（Toby）拍劇時拖手而傳出「忘年戀」，三嫂日前亦不禁取笑他：「佢最鍾意拖人手仔o架啦！佢連梳頭阿姐都拖o架！」對此，Sonija即「恍然大悟」並對三哥說：「原來係你惹桃花！」令三哥不禁面露尷尬之色！二人在片場相處融洽，沒有半點避忌。