演鄧麗君音樂劇 單紫寧宣布結婚
鄧麗君三哥鄧長富及歌手單紫寧前晚出席《愛上鄧麗君》音樂劇記者會，模仿鄧麗君神似的單紫寧即場演繹多首鄧麗君經典金曲，掌聲如雷。將演出該劇的她透露，下月12日下嫁拍拖6年的外籍男友Paul：「喺淺水灣酒店行禮同擺酒，請咗好多圈中人。」問到婚後是否退出歌壇？她說：「好多人都咁問我，不過我一定唔會，會繼續專心做嘢！（唔生BB？）如果老公想要就搵第二個生！（唔介意？）唔介意，最緊要佢鍾意！」而擁有鄧麗君35首歌曲版權的三哥鄧長富說：「今次我唔收錢畀咗兩首鄧麗君歌曲畀音樂劇團用。」
單紫寧穿上低胸裝到場，「峰」芒畢露。
鄧麗君音樂劇製作人李盾（左起）、音樂劇演員王靜及鄧長富出席記者會。