張學友巡迴開騷靠鋪牛力
張學友昨日為巡迴演唱會《1/2世紀演唱會》舉行記者會，獲贊助商送上出生年份1961年的香檳，巡迴騷下月在上海開鑼，然後到北京、成都、台灣、新加坡及美加，香港站則於明年4月15日至18日及21日到25日假紅館舉行，製作人陳淑芬透露巡迴騷檔期已排至明年底。為保持神秘，學友昨日大賣關子，並自嘲「牛命」挑戰體力：「我想淨係講幾句謝謝就得！不過真係同人唔同命！」
對於四台聯頒今年取消，學友大讚是進步的表現：「唱片公司堅持係好事，依家有啲頒獎禮唔頒獎畀某啲歌手，但係嗰啲人嘅歌仲係運作緊，唔應該因為某啲原因，影響咗頒獎禮準則同客觀性！」另外，學友首度開腔回應「訂金門」事件，他坦言認識沈小姐，並視她為陳生及陳太的學生，認為對方如此對待老師，不值得信任，而陳淑芬透露已向法院對沈小姐提出反控訴。
張學友獲贊助商送上他出生年份1961年的香檳贈興。
學友與演唱會製作人陳淑芬（中）開香檳，預祝巡迴騷成功。