(11)權蕙洙憂韓戰殃及家人

亞姐韓國候選佳麗(11)權蕙洙，得知南、北韓發生軍事衝突，父母報平安後鼓勵她努力比賽，令她信心大增！

昨日14位亞姐候選佳麗出席活動宣布首個全球為選美而設的亞姐iPhone app（應用程式）面世，用戶可在app內與候選佳麗合照及操控她們的動作。問到(11)權蕙洙會否擔心相片被移花接木或有人向圖片作猥褻動作，她說：「唔擔心，如果想得太多會令自己增加壓力！反而希望更多人留意到我嘅相，對我有更多認識！」提到家鄉南、北韓發生軍事衝突，她說：「之前唔太擔心，但睇報紙後就有啲擔心。我有打電話畀韓國嘅父母，佢哋報咗平安，仲叫我努力參選。反而我擔心國家安全，但我覺得南北韓會統一，以後唔會再有呢啲事。」

(8)維他大頭蝦着私伙褲

在14位候選佳麗中，唯一獨來自韃靼斯坦的(8)維他．芝寶絲娃，穿上貼身長褲展示線條美，有別其他佳麗的牛仔褲，她說：「因為我唔記得帶大會條褲，而且我對腳太長，佢哋提供嗰條又唔啱着，所以要着自己嗰條！（惹其他佳麗不滿？）我同佢哋解釋咗！」另外，她指(11)權蕙洙和(15)劉曉智是冠軍大熱，而她自誇最多奪亞軍或季軍，但無論勝出與否都希望留港發展。