斥羅霖白抽佣 李彩華：破壞我形象
今年8月，李彩華（Rain）經好友趙雪英拉攏，聘請羅霖擔任經理人，怎料合作3個月，雙方因佣金問題決裂。被指拒付羅霖佣金的Rain，事後已提供支付羅霖逾10萬元佣金的證明，並指對方沒有替她接Job。但羅霖事後暗示Rain放料，令原想大事化小的Rain，終於忍無可忍說：「羅霖根本一單Job都冇幫我接過，而錢就照袋，仲要講到係我哋嘅問題！」
一直強調不是為錢的羅霖，昨日接受本報電話訪問時，被問到是否從未替Rain接Job，她以任職時間短及控制不到客戶是否選用Rain為由，承認沒有為她接洽工作。問到是否白收佣金及會否退回佣金，她未有正面回應：「我唔想再討論，總之我有做嘢，我唔想樣樣講得咁仔細！」當Rain得知羅霖的回應後，她說：「佢咁樣講好破壞我形象，趙小姐都有叫我算數，但係依家搞成咁，其實啲主辦商係趙小姐朋友，到時可以搵佢哋出嚟做證！」而趙雪英則說：「當日係羅霖親口認係助手放料，本來我叫Rain澄清咗就算，始終一場朋友，依家影響到Rain嘅聲譽，我都唔好意思，希望幫佢討回公道。」
李彩華（左）狂轟羅霖破壞其形象，而趙雪英則叫她算數。
羅霖承認因合作時間短而未有為Rain接洽工作。