任達華：安檢要顧及尊嚴
劉若英安檢時遭受不禮貌對待，在微博炮轟不受專重，更抱怨：「被碰到不舒服的地方！」即引起圈中人廣泛討論。
周秀娜：我未遇過拍身摸胸，不過美國過境要求除鞋，當時我着鞋冇着襪，真係好尷尬！
任達華：早幾個月喺美國返嚟未有咁嚴重，安檢一定要，但顧及人嘅尊嚴，咁做唔合乎情理囉！
諸葛梓岐：冇咁嚴重，如果真係亂摸一定好唔開心，試過有次喺加拿大畀海關要求睇手機短訊。
李彩華：內地發生機會比較多。雖然放低晒身上所有金屬品，但X Ray儀器每次都響，但又搵唔到咩，好奇怪！
梁詠琪：好多地方都係咁，冇辦法，為安全都要接受，搜身係正常，好彩冇畀人掂重要部位。
李玟：美國出境嚴啲，試過畀人搜身，但就冇上下摸，但有次媽咪着咗5、6件衫過關，關員要佢除衫檢查。
鍾舒漫：2月去美國過關乜都檢查，嗰次有畀人搜身，只係用手拍吓，冇掂到重要部位，如果有我會大嗌同投訴，嚴謹啲唔緊要，但要尊重。
周秀娜
任達華