傅穎唔「打底」搶陳靜風頭
陳靜（DaDa）昨日偕師妹梁郁霖及鄭嘉穎緋聞女友徐靖雯出席SONY PS3 GT5賽車遊戲首賣活動，三人以性感賽車女郎打扮上陣，卻仍被穿Tube Dress的傅穎出口術搶鏡！
傅穎不怕走光，着裙仍投入玩賽車遊戲機，還自言不會倣效三人的性感打扮，但突然自爆「冇打底」：「條裙好貼，我要盡量收腹，都冇着打底褲，淨係着咗T-back，唔想有邊突出嚟！」
而剛出年曆的DaDa透露，已買樓榮升業主：「買咗冇耐政府推出措施壓抑樓價，不過對我冇乜影響，自己唔係炒賣。（買邊度？）泓景臺，對住商場。（驚唔驚畀人偷拍？）所以要拉埋窗簾，唔見得光咁！」
面對性感的梁郁霖（左起）、徐靖雯及DaDa，傅穎卻說：「唔會着到好似佢哋咁。」
傅穎按實裙腳，似乎怕再遇怪風。
工作量多多的DaDa，最近成功置業做業主。