郭羨妮感動獲平反

郭羨妮最近與苗僑偉合作新劇傳出緋聞，幸有苗僑偉夫婦同聲力撐，為她剔除「狐妮」惡名！

郭羨妮（Sonija）與苗僑偉（三哥）最近合作新劇《抉宅男女》，有傳二人戲裏戲外都拖手談情，嚇到三嫂戚美珍經常監場！Sonija昨晚與鍾嘉欣在旺角拍外景，三哥則返電視城拍廠景。對於再惹緋聞，Sonija沒好氣地說：「唔回應喇！單料咁流！」不過她卻在微博宣洩不滿：「對於周刊的故事，我無語。」三哥不避嫌回應：「搵埋科學鑑證去雜誌社搜證……哈哈！」Sonija看到留言即寫道：「冇錯，大家知咩事最緊要，你知喇！我仲要嫁人o架！」

合作好有壓力

三哥亦不理閒言，昨午與三嫂撐枱腳，他接受電話訪問時說：「我同三嫂食緊晏，佢冇嬲，反而擔心累到Sonija，見佢喺微博好似好嬲！我哋飾演兩夫妻，初時好生疏，問佢咩事，佢坦白話同我合作好有壓力，因為過往同男演員合作都有唔好新聞，所以平時都唔敢埋我身！係我叫佢唔使擔心，有咩事我同三嫂幫佢撐住！」他坦言為向三嫂派定心丸，平時開工會主動約她一齊食飯。

至於在旁的三嫂亦在電話中說：「黐線！我識咗Sonija十幾年，呢個女仔斯斯文文又唔出聲，畀人寫到咁好慘！」她還取笑三哥最愛拖人手仔：「其實佢連服裝、梳頭阿姐都拖o架啦！呢啲事喺佢身上發生一啲都唔出奇，我拍戲都同男主角拖手，唔通三哥又激到生蝦咁跳咩！」得到三哥夫婦同撐，難怪Sonija昨晚在微博寫道：「收到三嫂的安慰和鼓勵，感動得哭了，感激！」