城城唔陪Lynn過浪漫聖誕
忙於在北京拍攝電影《大鬧天宮》的郭富城，前晚專程返港出席《apm戀戀聖誕之旅》亮燈活動，同場有新鴻基地產代理有限公司租務總經理馮秀炎，以及四位小朋友扮演不同年代的城城。城城載歌載舞時，因太用力跳爆衫，全場尖叫！他笑言感覺很爽：「件衫係私伙o架！但唔緊要啦！大家睇到都覺得好勁。」
城城表示最喜歡聖誕節夠溫暖及浪漫，但今年聖誕節要在北京工作，問到會否與緋聞女友熊黛林（Lynn）交換禮物，他即 甜笑說：「有時間都會買禮物畀身邊嘅男女朋友，但今年冇時間。（叫Lynn人肉速遞？）冇喎！（最想同邊個過？）全港市民囉！（唔係想同Lynn咩？）唔答呢啲啦！唔知喎！」
城城與小男孩齊跳經典招牌舞步，場面搞笑！
除外套騷麒麟臂的城城，與馮秀炎合照。